ബജാജ് ഇലക്ട്രിക് റിക്ഷ

ബജാജ് ഇലക്ട്രിക് റിക്ഷ പരീക്ഷണ ഓട്ടം നടത്തുന്ന ചിത്രം പുറത്തുവന്നു




പെട്രോള്‍-ഡീസല്‍ വില കുതിക്കുമ്പോള്‍ പരിഹാരമായി ബജാജ് ഇതാ ഇലക്രിക്ക് റിക്ഷയുമായി എത്തിയിരിക്കുന്നു .ബജാജ് ഇലക്ട്രിക് റിക്ഷ പരീക്ഷണ ഓട്ടം നടത്തുന്ന ചിത്രം പുറത്തുവന്നു. പൂര്‍ണമായും മൂടികെട്ടിയ ഇ-റിക്ഷ പുണെയിലെ ഒരു റോഡില്‍ പരീക്ഷണ ഓട്ടം നടത്തുന്ന ചിത്രമാണ് പുറത്തെത്തിയത്.ചിത്രങ്ങള്‍ പ്രകാരം നിലവിലെ ബജാജ് ഓട്ടോറിക്ഷകള്‍ക്ക് സമാനമായ രൂപഘടനയിലാണ് ഇലക്ട്രിക് ഓട്ടോ. വാഹനത്തിന്റെ ബാറ്ററി ശേഷി സംബന്ധിച്ച വിവരങ്ങളൊന്നും ലഭ്യമായിട്ടില്ല. അടുത്ത വര്‍ഷത്തോടെ ആദ്യ ഇ-റിക്ഷ ബജാജില്‍ നിന്ന് പുറത്തിറങ്ങുമെന്നാണ് റിപ്പോര്‍ട്ട്. കമ്പനി ആദ്യം ലക്ഷ്യമിട്ടതിലും നേരത്തെ ഇ-റിക്ഷ വിപണിയിലെത്തിക്കുമെന്ന് ബജാജ് എംഡി രാജീവ് ബജാജും നേരത്തെ വ്യക്തമാക്കിയിരുന്നു .മുച്ചക്ര വാഹനങ്ങളില്‍ മുഖ്യ എതിരാളിയായ മഹീന്ദ്രയും നിലവില്‍ ഇലക്ട്രിക് ഓട്ടോ യാഥാര്‍ഥ്യമാക്കിയിട്ടുണ്ട്. ട്രിയോ എന്ന് പേരിട്ട ഇ-റിക്ഷ ഇക്കഴിഞ്ഞ ഡല്‍ഹി ഓട്ടോ എക്‌സ്‌പോയിലും 2018 ഗ്ലോബല്‍ മൊബിലിറ്റി സമ്മിറ്റിലും മഹീന്ദ്ര പ്രദര്‍ശിപ്പിച്ചിരുന്നു.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

bajaj e rikshaw.