ഗ്യാസ് വില കൂടുമ്പോള്‍...



ഹോട്ടൽ വ്യവസായങ്ങളുടെ താളം തെറ്റിക്കുകയാണ് കൂടിക്കൊണ്ടിരിക്കുന്ന ഗ്യാസ് വില


ഹോട്ടൽ വ്യവസായങ്ങളുടെ താളം തെറ്റിക്കുകയാണ് കൂടിക്കൊണ്ടിരിക്കുന്ന ഗ്യാസ് വില .ആറുമാസം മുൻപുവരെ 1,000 രൂപയിൽ താഴെയുണ്ടായിരുന്ന ഗ്യാസിന് ഇപ്പോൾ 1,500-ന് മുകളിലാണ് വില. പല ജില്ലകളിലും ഇതിൽ നേരിയ വ്യത്യാസമുണ്ടാകും. നവംബറിൽ ഉണ്ടായിരുന്നതിനേക്കാൾ 130 രൂപ അധികം ഈമാസം നൽകണം.ഇൻഡേൻ, ഭാരത് കമ്പനികൾക്കു പുറമേ സ്വകാര്യ കമ്പനികളെയും ഹോട്ടലുകാർ ആശ്രയിക്കുന്നുണ്ട്. 19 കിലോയുള്ള ഗ്യാസാണ് സാധാരണ ഉപയോഗിക്കുന്നത്. നാളുകളായി ആവശ്യപ്പെടുന്ന ഗ്യാസ് സബ്‌സിഡി പരിഗണിക്കാൻപോലും ബന്ധപ്പെട്ടവർ തയ്യാറായിട്ടില്ല. ഇടത്തരം, ചെറുകിട ഹോട്ടലുകാരെയാണ് വിലയിലുണ്ടാകുന്ന നേരിയ വ്യത്യാസംപോലും കാര്യമായി ബാധിക്കുന്നത്.ജി.എസ്.ടി. നടപ്പാക്കിയതിനുശേഷം ഹോട്ടലുകളിൽ തിരക്ക് കുറഞ്ഞിരുന്നു. എ.സി. റസ്റ്റോറന്റുകൾ പലതും നോൺ എ.സി.യാക്കി. പിന്നീട് അഞ്ചുശതമാനം ആക്കി ജി.എസ്.ടി. കുറച്ചപ്പോൾ ക്രമേണ ആളുകൾ എത്തിത്തുടങ്ങി. ഇതിനിടയിൽ പ്രളയംകൂടി വന്നതോടെ ഭക്ഷണപ്രിയർ ഹോട്ടലുകാരെ കൈയൊഴിഞ്ഞു. ചിലർ കച്ചവടം അവസാനിപ്പിച്ചു.
പ്രളയം കാര്യമായി ബാധിച്ച ചാലക്കുടി, ആലുവ, പത്തനംതിട്ട എന്നിവിടങ്ങളിലെ പലരും കച്ചവടം ഇതുവരെ പുനരാരംഭിച്ചിട്ടില്ല. ആറ് മാസത്തിനിടയിൽ ചെറുകിട ഹോട്ടലിനുതന്നെ 25,000 രൂപയോളം അധികചെലവ് ഗ്യാസ് വിലയിൽ ഉണ്ടായി. ചായ, ദോശ, പൊറോട്ട എന്നിവ ഉണ്ടാക്കുമ്പോഴാണ് ചെലവു കൂടുതൽ. ഇവയ്ക്ക് മുഴുവൻ സമയവും അടുപ്പ് കത്തണം.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

increasing price of commercial cooking gas.