ലോകത്തെ ഏറ്റവും ഉയരം കൂടിയ കേബിൾ കാർ


ലോകത്തിലെ ഏറ്റവും ഉയരം കൂടിയ ആദ്യത്തെ കേബിള്‍ കാര്‍- ഫ്രാൻസിലെ ഗ്രാൻഡെ മോട്ടേയിൽ സഞ്ചാരികൾക്കായി തുറന്നു കൊടുത്തു

സമുദ്ര നിരപ്പില്‍ നിന്നും 3500 മീറ്റര്‍ മുകളിലാണ് ഗ്രാന്‍ഡെ മോട്ടേ കേബിള്‍ കാര്‍ റൂഫ് ടെറസ്. കേബിള്‍ കാറില്‍ ലോഹം കൊണ്ട് നിര്‍മ്മിച്ചിരിക്കുന്ന ഒരു പടി ആളുകളെ മുകളിലേക്ക് എത്തിക്കുന്നു. സുരക്ഷക്കായി ഗ്ലാസ്സ് കൊണ്ട് മതില്‍ കെട്ടിയിട്ടുണ്ട്. മുകളില്‍ 360 ഡിഗ്രി കാഴ്ചയാണ് ഒരുക്കിയിരിക്കുന്നത്. മഞ്ഞു മൂടി കിടക്കുന്ന ഗ്രാന്‍ഡെ കാസ്സെ, മോണ്ട് ബ്ലാക് മലകളും, ആല്‍പ്സിന്‍റെ അതിമനോഹര കാഴ്ചകളും ഈ യാത്രയില്‍ ആസ്വദിക്കാന്‍ കഴിയും. ആല്‍പ്സിലുള്ള പല റിസോര്‍ട്ടുകളെക്കാളും ഉയരത്തിലാണ് ഈ കേബിള്‍ കാറിന്‍റെ ബേസ് സ്റ്റേഷന്‍. ഫ്രാൻസിലെ തന്നെ ചമോണിക്സില്‍ സ്ഥിതി ചെയ്യുന്ന അഗില്ലേ ഡു മിഡി കഴിഞ്ഞാല്‍ ഏറ്റവും ഉയരം കൂടിയതാണ് 3,456 മീറ്റര്‍ മുകളിലുള്ള ഗ്രാന്‍ഡെ മോട്ടേ കേബിള്‍ കാർ. യാത്രക്കാര്‍ ഫണികുലാര്‍ കേറി വേണം ബേസ് സ്റ്റേഷനില്‍ എത്താന്‍. തണുപ്പ് കാലത്ത് സുരക്ഷാകാരണങ്ങളാൽ കേബിള്‍ കാറിന്റെ റൂഫ് ടെറസ് അടക്കാറുള്ളതിനാൽ ഈ സമയം സഞ്ചാരികളെ പ്രവേശിപ്പിക്കാറില്ല . കേബിള്‍ കാറും അതോടൊപ്പം ഉള്ള വികസനങ്ങളും കൂടുതല്‍ സഞ്ചാരികളെ ആകര്‍ഷിക്കുമെന്നാണ് അധികൃതരുടെ പ്രതീക്ഷ.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

World's first high-altitude cable car roof terrace opens in France Automobile.