വ്യാജ പ്രചരണം തിരിച്ചറിയുക


വ്യാജ പ്രചാരണങ്ങള്‍ക്ക് വിശദീകരണവുമായി കേരള പോലിസ്


ശബരിമലയില്‍ യുവതീപ്രവേശനവുമായി ബന്ധപ്പെട്ട് പോലിസ് പുരത്തുവിട്ടവരുടെ ചിത്രങ്ങലെ സംബന്ധിച്ച് നടക്കുന്ന വ്യാജ പ്രചാരണങ്ങള്‍ക്ക് വിശദീകരണവുമായി കേരള പോലിസ് ശബരിമലയില്‍ അക്രമസംഭവങ്ങളില്‍ ഉള്‍പ്പെട്ടവരുടെ ചിത്രങ്ങള്‍ക്കിടയില്‍ പോലീസുകാരന്റെ ചിത്രം കടന്നുകൂടിയതുമായി ബന്ധപ്പെട്ട് പ്രചരിപ്പിക്കുന്ന കാര്യങ്ങള്‍ തെറ്റാണെന്ന് പോലീസ്. പോലീസ് വാഹനങ്ങള്‍ തകര്‍ക്കുന്ന വിവരമറിഞ്ഞ് സ്ഥലത്തെത്തിയ പോലീസ് ഡ്രൈവറുടെ ചിത്രം അബദ്ധത്തില്‍ കടന്നുകൂടിയതാണെന്ന് ഔദ്യോഗിക ഫെയ്‌സ്ബുക്ക് പേജില്‍ പ്രസിദ്ധീകരിച്ച വിശദീകരണക്കുറിപ്പില്‍ പോലീസ് വ്യക്തമാക്കുന്നു. ലുക്ക് ഔട്ട് നോട്ടീസല്ല, യഥാര്‍ത്ഥ പ്രതികളെ കണ്ടെത്തുന്നതിനായി ജില്ലാ പോലീസ് മേധാവിമാര്‍ക്ക് അയച്ചുകൊടുത്ത പട്ടിക മാത്രമാണ് അത്. എന്നും പോലിസ് വ്യക്തമാക്കുന്നു .കര്‍ത്തവ്യ നിര്‍വഹണത്തില്‍ ഏര്‍പ്പെട്ടിരുന്ന പോലീസ് ഉദ്യോഗസ്ഥര്‍ക്കെതിരെ അടിസ്ഥാനരഹിതമായ വ്യാജ പ്രചരണങ്ങള്‍ നടത്തുന്നത് തികച്ചും അപലപനീയമാണെന്നും പോലീസ് പറയുന്നു.പോലീസ് വേഷം ധരിച്ച യുവജനസംഘടനയുടെ പ്രവര്‍ത്തകന്‍ ആണെന്ന വിധം ഡ്യൂട്ടിയിലുണ്ടായിരുന്ന ഒരു പോലീസ് ഉദ്യോഗസ്ഥന്റെ ചിത്രം പ്രചരിപ്പിക്കുന്നതും ശ്രദ്ധയില്‍പെട്ടിട്ടുണ്ട്. ഇയാളുടെ ചിത്രങ്ങള്‍ പൊതുജനങ്ങള്‍ക്കിടയില്‍ തെറ്റിദ്ധാരണ പരത്തും വിധം പ്രചരിപ്പിക്കുന്നത് അപലപനീയമാണെന്നും ഫെയ്‌സ്ബുക്ക് കുറിപ്പില്‍ പറയുന്നു.ശബരിമല വിഷയവുമായി ബന്ധപ്പെട്ട പോലീസിനെതിരെ ഹിന്ദു സംഘടനകള്‍ നിരവധി ആരോപണങ്ങള്‍ ഉന്നയിക്കുന്ന സാഹചര്യത്തിലാണ് വ്യക്തത വരുത്താന്‍ പോലീസിന്റെ ഈ വിശദീകരണം
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

kerala police lookout notice fake news.