ഗർഭസ്ഥശിശുക്കളുടെ മൃതദേഹാവശിഷ്ടങ്ങൾ ഒളിപ്പിച്ച നിലയിൽ
36 ശരീരങ്ങൾ പെട്ടികൾക്കുള്ളിലും 27 ശരീരങ്ങൾ ഫ്രീസറുകളിലുമാണ് സൂക്ഷിച്ചിരുന്നത്

അമേരിക്കയിലെ ശവസംസ്കാര കേന്ദ്രത്തിൽ നടത്തിയ പരിശോധനയിൽ 63 ഗർഭസ്ഥശിശുക്കളുടെ മൃതദേഹാവശിഷ്ടങ്ങൾ ഒളിപ്പിച്ച നിലയിൽ കണ്ടെത്തി. ഡെട്രോയിറ്റിലുള്ള പെറി ഫ്യൂണറൽ ഹോമിലാണ് സംഭവം. 36 ശരീരങ്ങൾ പെട്ടികൾക്കുള്ളിലും 27 ശരീരങ്ങൾ ഫ്രീസറുകളിലുമാണ് സൂക്ഷിച്ചിരുന്നത്. ഗർഭസ്ഥശിശുക്കളുടെ മൃതദേഹാവശിഷ്ടങ്ങൾ സൂക്ഷിക്കുന്നെന്ന പരാതിയെ തുടർന്നു നടത്തിയ പരിശോധനയിലാണ് ഇവ കണ്ടെത്തിയത്. ഇതേ തുടർന്ന് ശവസംസ്കാര കേന്ദ്രത്തിന്റെ ലൈസൻസ് റദ്ദാക്കി. നഗരത്തിലെ മറ്റൊരു ശവസംസ്കാര കേന്ദ്രത്തിൽനിന്ന് ഒരാഴ്ച മുൻപ് ജീർണിച്ച നിലയിൽ 10 ഗർഭസ്ഥശിശുക്കളുടെ മൃതദേഹാവശിഷ്ടങ്ങൾ കണ്ടെത്തിയിരുന്നു.പെറി ഫ്യൂണറൽ ഹോം ഉൾപ്പെടെയുള്ള ചില കേന്ദ്രങ്ങളിൽ, മാതാപിതാക്കളുടെ അനുമതിയില്ലാതെ ഗർഭസ്ഥ, നവജാത ശിശുക്കളുടെ ശരീരാവശിഷ്ടങ്ങൾ മൂന്നു വർഷം വരെ സൂക്ഷിക്കുന്നതായി അധികൃതർക്കു പരാതി ലഭിച്ചിരുന്നു. സംസ്കാരം നടത്തിയെന്നു കാട്ടി ചടങ്ങുകൾക്കും അവരുടെ സേവനങ്ങൾക്കുമെന്ന പേരിൽ ബന്ധുക്കളിൽനിന്ന് പണവും ഈടാക്കിയിരുന്നു. മൃതദേഹാവശിഷ്ടം സൂക്ഷിച്ചതിന്റെ കാരണം കണ്ടെത്തണമെന്നും അതിനായി അന്വേഷണം വിപുലപ്പെടുത്തിയെന്നും പൊലീസ് അറിയിച്ചു.

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Detroit Funeral Home: Remains of 63 babies and foetuses found.