മഹീന്ദ്രയുടെ പുതിയ എസ്‌യുവി- ഇന്‍ഫെര്‍നോ

വിപണിയില്‍ എക്സ്യുവി 500-ന്റെ മുകളിലായിരിക്കും ഈ വാഹനത്തിന്റെ സ്ഥാനം


അഭ്യൂഹങ്ങള്‍ക്കും വിരാമമിട്ട് മഹീന്ദ്രയുടെ ഏറ്റവും പുതിയ എസ്‌യുവിയുടെ പേര് പ്രഖ്യാപിച്ചു. ഇന്‍ഫെര്‍നോ
സ്‌റ്റൈല്‍ എന്നാണ് കൊറിയന്‍ വാക്കായ ഇന്‍ഫെര്‍നോയുടെ അര്‍ഥം.മഹീന്ദ്രയുടെ ഫ്‌ളാഗ്ഷിപ്പ് മോഡലാകുന്ന ഇന്‍ഫെര്‍നോ നവംബര്‍ 19-ന് നിരത്തിലെത്തുമെന്നാണ് പ്രതീക്ഷ. മഹീന്ദ്ര വൈ-400 എന്ന കോഡ് നമ്പറില്‍ 2018 ഡല്‍ഹി ഓട്ടോഎക്സ്പോയിലാണ് ഈ വാഹനം ആദ്യമായി അവതരിപ്പിച്ചത്.മഹീന്ദ്രയുമായുള്ള കൂട്ടുകെട്ടില്‍ കൊറിയന്‍ വാഹനനിര്‍മാതാക്കളായ സാങ് യോങ് നിരത്തിലെത്തിച്ച റെക്സ്ടോണിന്റെ പിന്മുറക്കാരനായാണ് മഹീന്ദ്ര ഇന്‍ഫെര്‍നോ വിപണിയില്‍ എത്തുന്നത്. വിപണിയില്‍ എക്സ്യുവി 500-ന്റെ മുകളിലായിരിക്കും ഈ വാഹനത്തിന്റെ സ്ഥാനം.
ഇന്ത്യയിലെ എസ്യുവി ശ്രേണിയില്‍ കരുത്തരായ ടൊയോട്ട ഫോര്‍ച്യൂണര്‍, ഫോര്‍ഡ് എന്‍ഡേവര്‍, ഇസുസു എംയു-എക്സ്, മിസ്തുബുഷി പജേറൊ സ്പോര്‍ട്ട് എന്നിവരാണ് ഇന്‍ഫെര്‍നോയുടെ എതിരാളികള്‍. അതുകൊണ്ട് തന്നെ ഇന്‍ഫെര്‍നോയിക്ക് 20-25 ലക്ഷം രൂപ വില വരുമെന്നാണ് പ്രതീക്ഷ.വിദേശ രാജ്യങ്ങളിലെ നിരത്തിലെത്തിച്ച റെക്സ്ടോണിന് സമാനമായ രൂപകല്‍പ്പനയാണ് പുതിയ ഇന്‍ഫെര്‍നോയിലും നിര്‍വഹിച്ചിരിക്കുന്നത്. വെര്‍ട്ടിക്കിള്‍ സ്ലാറ്റ് ഗ്രില്‍, പുതിയ ബമ്പര്‍, എല്‍ഇഡി ഹെഡ്‌ലാറ്റ്, ഡിആര്‍എല്‍, ഇലക്ട്രിക് സണ്‍റൂഫ് എന്നിവയാണ് പ്രധാന സവിശേഷത.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

mahindra new suv inferno.