കളര്‍ഫുള്‍ സ്വപ്നം പോലെ ഒരു ദ്വീപ്‌

കുന്നുകളും പർവതങ്ങളും നിറഞ്ഞ ഭൂപ്രകൃതിയാണ് സിസിലിക്ക്



ഇറ്റലിയുടെ തെക്കുഭാഗത്തായ് സ്ഥിതിചെയ്യുന്ന സിസിലി; പ്രശസ്ത ശാസ്ത്രജ്ഞനായിരുന്ന ആർക്കിമിഡീസിന്റെ മാതൃഭൂമി
ഇറ്റലിലുടെ ഭാഗമായ സ്വയംഭരണാധികാരമുള്ള ഒരു ദ്വീപാണ് സിസിലി . സമ്പന്നവും അതുല്യവുമായ ഒരു പരമ്പരാഗത സംസ്കാരം സിസിലിക്കുണ്ട്. കല, സാഹിത്യം, സംഗീതം, വാസ്തുവിദ്യ, ഭക്ഷണവൈവിധ്യം തുടങ്ങിയ മേഖലകളിൽ എല്ലാം സിസിലി ഒട്ടും പിറകിലല്ല. പൗരാണിക കാലം മുതൽക്കേ പ്രശസ്തമായ സിസിലിയിൽ ഇന്ന് അനവധി പുരാവസ്തു കേന്ദ്രങ്ങൾ ഉണ്ട്. നെക്രോപൊളിസ്, സെലിനന്റെ തുടങ്ങിയവ ഉദാഹരണം.മെസ്സീനിയൻ കടലിടുക്കാണ് സിസിലിയെ ഇറ്റാലിയൻ ഉപദ്വീപിൽനിന്നും വേർത്തിരിക്കുന്നത്. യൂറോപ്പിലെ ഏറ്റവും ഉയരമുള്ള സജ്ജീവ അഗ്നിപർവതമായ എറ്റ്നയാണ് സിസിലിയുടെ മറ്റൊരു പ്രത്യേകത. 3320 മീറ്ററാണ് ഇതിന്റെ ആകെ ഉയരം. മെഡിറ്റരേനിയൻ കാലാവസ്ഥയാണ് സിസിലിയിലും അനുഭവപ്പെടുന്നത്.മെഡോനി, നെബ്രോനി, പെലോറിറ്റാനി തുടങ്ങിയ പർവതനിരകൾ ദ്വീപിന്റെ ഉത്തര ഭാഗത്തായ് സ്ഥിതിച്ചെയ്യുന്നു. ഇതിൽ ഏറ്റവും നീളമേറിയ പർവതനിര മെഡോനിയാണ്. 2000 മീറ്ററാണിതിന്റെ ആകെ നീളം. അനുകൂല കാലാവസ്ഥയും ഭൂപ്രകൃതിയും സിസിലിയിൽ സസ്യജാലങ്ങളുടെ വൈവിധ്യത്തിന് വഴിതുറക്കുന്നു. സിസിലിയുടെ തനതായ സസ്യങ്ങൾക്കു പുറമെ നൂറ്റാണ്ടുകൾക്കു മുൻപ് കുടിയേറ്റക്കാരും പല സാമ്രാജ്യശക്തികളും കൊണ്ടുവന്ന സസ്യങ്ങളാലും സമൃദ്ധമാണ് സിസിലി. ദേശീയ ഉദ്യാനങ്ങളൂം, സംരക്ഷിത പ്രദേശങ്ങളും ഇന്ന് സിസിലിയിലുണ്ട്. 1993 ആഗസ്ത് 4-ന് സ്ഥാപിതമായ നെബ്രോനി പർവതോദ്യാനം സിസിലിയിലെ ഏറ്റവും വലിയ സംരക്ഷിത മേഖലയാണ്. 86000 ഹെക്ടറാണ് ഇതിന്റെ ആകെ വിസ്തീർണ്ണം. ക്യരോനിയ എന്ന സിസിലിലുടെ ഏറ്റവും വിസ്തൃ തമായ വനവും ഈ ഉദ്യാനത്തിന്റെ ഭാഗമാണ്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

sicily in italy.