70 വര്‍ഷത്തെ ഇടവേളയ്ക്ക് ശേഷം പ്യൂഷെ ബൈക്കുകള്‍ മടങ്ങിയെത്തുന്നു.
പി2എക്‌സ് റോഡ് റെയ്‌സര്‍, പി2എക്‌സ് കഫെ റെയ്‌സര്‍ എന്നീ മോഡലുകളിലൂടെയാണ് പ്യൂഷെ മടങ്ങിയെത്തുന്നത്. പാരീസ് ഓട്ടോ ഷോയിലാണ് പ്യൂഷെ പുതിയ മോഡലുകള്‍ അവതരിപ്പിച്ചിരിക്കുന്നത്. 125, 300 സിസി ബൈക്കുകളാണ് പാരീസ് ഓട്ടോ ഷോയില്‍ അവതരിപ്പിച്ചത്. ഈ ബൈക്കുകള്‍ ഉടന്‍ നിരത്തുകളിലെത്തിക്കാനാണ് കമ്പനിയുടെ ശ്രമം. ഇതിന് പുറമെ, അടുത്ത മൂന്ന് വര്‍ഷത്തിനുള്ളില്‍ മൂന്ന് ഇലക്ട്രിക് ടൂവീലറുകളും പുറത്തിറക്കാന്‍ കമ്പനി പദ്ധതിയിടുന്നുണ്ട്.ഇതിനായി 400 കോടി രൂപയുടെ നിക്ഷേപം നടത്താനാണ് കമ്പനി തയാറെടുക്കുന്നത്. പ്രാഥമിക ഘട്ടത്തില്‍ ഇലക്ട്രിക് സ്‌കൂട്ടര്‍, പ്രീമിയം സ്‌കൂട്ടര്‍, മോട്ടോര്‍സൈക്കിള്‍ എന്നീ സെഗ്മെന്റുകളില്‍ ഏഴ് വാഹനങ്ങള്‍ പുറത്തിറക്കാനാണ് പ്യൂഷെയുടെ തീരുമാനം. പ്രധാനമായും യുറോപ്യന്‍ രാജ്യങ്ങളാണ് പ്യൂഷെയുടെ മാര്‍ക്കറ്റ്. എന്നാല്‍, സൗത്ത്-ഈസ്റ്റ് ഏഷ്യന്‍ രാജ്യങ്ങളിലേക്കും ശൃംഖല വ്യാപിപ്പിക്കാനുള്ള ശ്രമങ്ങള്‍ നടക്കുന്നുണ്ട്. പ്രദേശിക കമ്പനിയുമായി ചേര്‍ന്ന് തായ്‌ലാന്‍ഡില്‍ പ്യൂഷെ ബൈക്കുകള്‍ എത്തിക്കാനാണ് കമ്പനിയുടെ ശ്രമം.

New Peugeot motorcycles.