ബംഗളൂരു കോണ്‍ക്രീറ്റ്‌ വനമാകുന്നു
എഴു വര്‍ഷം കഴിയുമ്പോഴേക്കും വനമാകുമെന്നാണ് മുന്നറിയിപ്പ്


ഏഴ് വര്‍ഷം കഴിയുമ്പോഴേക്കും ബംഗളൂരു കോണ്‍ക്രീറ്റ് വനമാകുമെന്ന് റിയല്‍ എസ്റ്റേറ്റ് റെഗുലേറ്ററി അതോറിറ്റിയുടെ മുന്നറിയിപ്പ്.വരും വര്‍ഷങ്ങളില്‍ ബംഗളൂരുവില്‍ ജീവിക്കുന്നത് പ്രയാസകരമായിരിക്കുമെനാണ് പുതിയ റിപ്പോര്‍ട്ടുകള്‍ പറയുന്നത് . കൂണുപോലെ അനധികൃത കെട്ടിട നിര്‍മ്മാണങ്ങള്‍ തുടര്‍ന്നാല്‍ ഏഴ് വര്‍ഷം കഴിയുമ്പോഴേക്കും ബംഗളൂരു കോണ്‍ക്രീറ്റ് വനമാകുമെന്നാണ് റിപ്പോര്‍ട്ട്‌ .ദിനംപ്രതി കെട്ടിടങ്ങള്‍ ഉയരുന്നത് തടാകങ്ങള്‍ക്കും ഭീഷണിയാണ് . നഗരത്തില്‍ കുടിവെള്ള ക്ഷാമം രൂക്ഷമാകുമ്പോഴും അനധികൃത നിയന്ത്രണങ്ങള്‍ക്ക് കടിഞ്ഞാണിടാന്‍ ഭരണകൂടം ഇതുവരെ തയ്യാറായിട്ടില്ല. ഈ സ്ഥിതിയില്‍ കാര്യങ്ങള്‍ മുന്നോട്ട് പോയാല്‍ ശുദ്ധജലം ബംഗളൂരുവിന് അന്യമാകുമെന്നും റിപ്പോര്‍ട്ടില്‍ പറയുന്നു.അനധികൃത നിര്‍മ്മാണത്തിന് പുറമെ സ്വകാര്യ വാഹനങ്ങളുടെ എണ്ണവും കൂടിവരുന്നു .2021 – ഓടെ നഗരത്തില്‍ രജിസ്റ്റര്‍ ചെയ്യുന്ന സ്വകാര്യ വാഹനങ്ങളുടെ എണ്ണം ഒരു കോടി പിന്നിടുമെന്നാണ് ഗതാഗതവകുപ്പ് കണ്ടെത്തിയ റിപ്പോര്‍ട്ടില്‍ പറയുന്നത്. നഗരം കടുത്ത മലിനീകരണ ഭീഷണി നേരിടുന്ന സാഹചര്യത്തിലാണ് സ്വകാര്യവാഹനങ്ങളുടെ എണ്ണവും കോടികളോടടുക്കുന്നത്.ഈ വര്‍ഷം ഓഗസ്റ്റ് വരെ മാത്രം ബംഗളൂരുവില്‍ രജിസ്റ്റര്‍ ചെയ്ത വാഹനങ്ങളുടെ എണ്ണം 75 ലക്ഷം കടന്നിരുന്നു. നഗരത്തിലെത്തുന്ന മറ്റ് വാഹനങ്ങള്‍ക്ക് പുറമെയാണിതെന്നാണ് കണക്കുകള്‍.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Bengaluru will be a full-fledged concrete jungle.