യു.എ.ഇയുടെ ഖലീഫസാറ്റ് വിക്ഷേപണം വിജയകരം

യു.എ.ഇയുടെ കൃത്രിമോപഗ്രഹം ‘ഖലീഫസാറ്റ്’ വിക്ഷേപണം വിജയകരാമായി പൂർതത്തീകരിച്ചു


കൃത്രിമോപഗ്രഹം തിങ്കളാഴ്ച യു.എ.ഇ സമയം ഇന്ന് രാവിലെ 8.08നാണ് വിക്ഷേപിച്ചത് . ജപ്പാനിലെ തനിഗാഷിമ ബഹിരാകാശ കേന്ദ്രത്തിന്റെ യോഷിനോബു വിക്ഷേപണ സമുച്ചയത്തിൽനിന്നാണ് ഖലീഫസാറ്റ് വിക്ഷേപണം നടത്തിയത് . മിറ്റ്സുബിഷി ഹെവി ഇൻഡസ്ട്രീസിെൻറ എച്ച് 2 എ റോക്കറ്റാണ് കൃത്രിമോപഗ്രഹത്തെ വഹിച്ചത് . റോക്കറ്റിൽ നിന്ന് വേർപെട്ട ഉപഗ്രഹം ലക്ഷ്യം സ്ഥാനത്തെത്തിയതായി അധികൃതര്‍ അറിയിച്ചു . ഖലീഫസാറ്റിന്റെ വിക്ഷേപണം യു.എ.ഇയുടെ ദേശീയ ബഹിരാകാശ മേഖലക്ക് പുതിയ യുഗം നൽകിയതായി ദുബൈ കിരീടാവകാശിയും എം.ബി.ആർ.എസ്.സി ചെയർമാനുമായ ശൈഖ് ഹംദാൻ ബിൻ മുഹമ്മദ്
പറഞ്ഞു.ജപ്പാന്റെ വിക്ഷേപണ സംവിധാനം ആദ്യമായാണ് യു.എ.ഇ ഉപയോഗിക്കുന്നത്.വിക്ഷേപണത്തിന് ശേഷം ഖലീഫസാറ്റ് അഞ്ച് വർഷം ഭൂമിയുടെ ഭ്രമണപഥത്തിലുണ്ടാകും. ഉന്നത ഗുണമേന്മയുള്ള ഫോട്ടോകൾ ഇത് എം.ബി.ആർ.എസ്.സിയിലേക്ക് അയക്കും. നഗരാസൂത്രണത്തിനും ആഗോളതാപനത്തിന്റെ പ്രത്യാഘാതങ്ങൾ വിലയിരുത്തുന്നതിനും പ്രകൃതിദുരന്ത ഘട്ടങ്ങളിൽ ദുരിതാശ്വാസമെത്തിക്കുന്നതിനും ഇൗ ഫോട്ടോകൾ ഉപയോഗിക്കാൻ സാധിക്കും. വിക്ഷേപണം എം.ബി.ആർ.എസ്.സി വെബ്സൈറ്റിൽ തത്സമയം സംപ്രേഷണം ചെയ്തു.


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

UAE successfully launches satellite KhalifaSat.