App To Notify Travel Problems By Kochi City Police


പൊതുജനങ്ങൾക്ക് യാത്രാവേളകളിൽ അനുഭവപ്പെടുന്ന പ്രയാസങ്ങൾ ഉടനെ പോലീസിൽ അറിയിക്കാൻ മൊബൈൽ ആപ്പുമായി കൊച്ചി സിറ്റി പോലീസ്.
‘ക്യുകോപ്പി’ എന്നാണ് ആപ്പിന്റെ പേര്. പോലീസിൽ അറിയിക്കണം എന്ന് തോന്നുന്ന രഹസ്യ സ്വഭാവമുള്ളതും അല്ലാത്തതുമായ വിവരങ്ങൾ പോലീസിന്റെ ശ്രദ്ധയിൽപ്പെടുത്തുന്നതിനായാണ് മൊബൈൽ ആപ്പ് അവതരിപ്പിക്കുന്നത്.യാത്രാവേളകളിൽ ഉണ്ടാവുന്ന ബുദ്ധിമുട്ടുകൾ ലഘൂകരിക്കുന്നതിനും പോലീസിന്റെ അടിയന്തര സഹായത്തിനും പോലീസിന് ജനങ്ങളിലേക്ക് എത്തിക്കേണ്ട നിർദേശങ്ങൾ വേഗത്തിൽ എത്തിക്കുന്നതിനും ആപ്പ് ഉപയോഗിക്കാം.
ഇത്തരം കാര്യങ്ങൾ കൂടുതൽ ആളുകളിലേക്ക് എത്തിക്കാനും ആപ്പ് സഹായിക്കും.
ഒറ്റയ്ക്ക് യാത്ര ചെയ്യുന്ന സ്ത്രീകൾക്കും കുട്ടികൾക്കും യാത്രാവേളയിൽ അഭിമുഖീകരിക്കേണ്ടി വരുന്ന പ്രശ്നങ്ങൾ പോലീസിൽ അറിയിക്കാൻ ആപ്പ് പ്രയോജനകരമായിരിക്കുമെന്ന് സിറ്റി പോലീസ് കമ്മിഷണർ എസ്. സുരേന്ദ്രൻ പറഞ്ഞു. യാത്ര ചെയ്യുന്ന വാഹനത്തിന്റെ നമ്പറും ലൊക്കേഷൻ അടക്കമുള്ള വിവരങ്ങളും ഉടനടി ആപ്പ് വഴി പോലീസിൽ എത്തിക്കാൻ കഴിയും.കൊച്ചിയിലെ ഗതാഗതക്കുരുക്ക് തത്സമയം അറിയാനുള്ള സംവിധാനവുമുണ്ട്. എവിടെയൊക്കെയാണ് ഗതാഗത നിയന്ത്രണം ഏർപ്പെടുത്തി വഴി തിരിച്ചുവിട്ടിട്ടുള്ളത്,
അപകടങ്ങളോ മറ്റെന്തെങ്കിലും മൂലം ഗതാഗതക്കുരുക്ക് അനുഭവപ്പെടുന്നുണ്ടോ എന്ന് അറിയാനും ആപ്പ് സഹായകമാണ്.
ആപ്പ് ഡൗൺലോഡ് ചെയ്യുന്നതിനായി കൊച്ചി സിറ്റി പോലീസ് അലർട്ട് നമ്പറായ 9497915555 സേവ് ചെയ്തശേഷം പ്ലേ സ്റ്റേറിൽ നിന്നോ ആപ്പ് സ്റ്റോറിൽ നിന്നോ ആപ്പ് ഡൗൺലോഡ് ചെയ്യാം. വൈകാതെ ഇത് ലഭ്യമാകുമെന്ന് കമ്മിഷണർ പറഞ്ഞു. ക്യു ആർ കോഡ് ഉപയോഗിച്ചും ആപ്പ് പ്രവർത്തിപ്പിക്കാവുന്നതാണ്. കേരള സ്റ്റാർട്ടപ്പ് മിഷനിലെ സ്റ്റാർട്ടപ്പ് ആയ ക്യുകോപ്പി ഓൺലൈൻ സർവീസുമായി സഹകരിച്ചാണ് പദ്ധതി നടപ്പാക്കുന്നത്.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

യാത്രാ ദുരിതങ്ങൾ അറിയിക്കാൻ ആപ്പ് |App To Notify Travel Problems By Kochi City Police.