#Giraffe#ExtinctList#World കരയിലെ ഏറ്റവും ഉയരംകൂടിയ ജീവിയും സസ്തനിയുമായ ജിറാഫ് വംശനാശഭീഷണി നേരിടുന്ന ജീവജാലങ്ങളുടെ പട്ടികയിലേക്ക്.
അമേരിക്കയിലെ ഫെഡറൽ വന്യജീവി ഉദ്യോഗസ്ഥർ ഇതുസംബന്ധിച്ച ഔദ്യോഗിക നടപടികൾ ആരംഭിച്ചു. ഈ ആഫ്രിക്കൻ സസ്തനിയുടെ എണ്ണത്തിൽ ഗണ്യമായ കുറവുണ്ടാകുന്നതും ജിറാഫുമായി ബന്ധപ്പെട്ട ഉത്പന്നങ്ങൾക്ക് ആഗോളവിപണിയിൽ കൂടുതൽ ആവശ്യക്കാരുണ്ടാകുന്നതുമാണ് ഇവയെ വംശനാശ ഗണത്തിലേക്ക് ഉൾപ്പെടുത്താൻ ഇടയാക്കുന്നത്.ജിറാഫ് നേരിടുന്ന വിവിധതരം ഭീഷണികളെക്കുറിച്ച് വിവരങ്ങൾ ശേഖരിച്ചതായി അമേരിക്കയിലെ മത്സ്യ-വന്യജീവി സേവനവിഭാഗം വെളിപ്പെടുത്തിയിട്ടുമുണ്ട്. സംരക്ഷണവിഭാഗം മാറ്റുന്നത് ജിറാഫിനെ വേട്ടയാടുന്നവർക്കെതിരേ കൂടുതൽ കടുത്തനടപടികൾ കൈക്കൊള്ളുന്നതിനും ജിറാഫുകളെ കൂടുതൽ സംരക്ഷിക്കുന്നതിനും സഹായിക്കുമെന്നതാണ് വിലയിരുത്തൽ.
രണ്ടുവർഷംമുമ്പ് വന്യജീവികളുമായി ബന്ധപ്പെട്ട സന്നദ്ധപ്രവർത്തകർ ട്രംപ് ഭരണകൂടം മുമ്പാകെ ഇതേക്കുറിച്ച് പരാതിപ്പെട്ടിരുന്നു.
തുടർന്ന് ഉത്തരവിട്ട അന്വേഷണമാണ് ഇപ്പോൾ പൂർത്തിയായത്. ഈ വിഷയത്തിൽ അന്തിമതീരുമാനം കൈക്കൊള്ളുംമുമ്പ് മത്സ്യ-വന്യജീവി സേവനവിഭാഗം ഒരു വിലയിരുത്തൽകൂടി നടത്തും.വംശനാശഭീഷണി നേരിടുന്ന ജീവജാലങ്ങളുടെ പട്ടികയിലേക്ക് ജിറാഫിനെ ഉൾപ്പെടുത്തുന്നതോടെ അവയുടെ കയറ്റ്-ഇറക്കുമതിക്ക് കാര്യമായ നിബന്ധനകൾ വരും. ഒപ്പം, അവയുടെ സംരക്ഷണത്തിന് കേന്ദ്രീകൃത രൂപത്തിൽ സംവിധാനം ഉണ്ടാകും. സിംഹവും ആനയും ഉൾപ്പെടെയുള്ള മൃഗങ്ങളുടെ സംരക്ഷണത്തിന് മുൻഗണന നൽകുന്നതിനിടെ ജിറാഫ് പോലുള്ള മൃഗങ്ങളുടെ സംരക്ഷണത്തിന് ആവശ്യമായ മുൻതൂക്കം ലഭിക്കുന്നില്ലെന്നും മൃഗസംരക്ഷണപ്രവർത്തകർക്ക് പരാതിയുണ്ട്.
ലോകത്തിന്റെ വിവിധ ഭാഗത്തുനിന്ന് മൃഗസംരക്ഷണം മുൻനിർത്തി കോടിക്കണക്കിന് പണം ചെലവഴിക്കപ്പെടുന്നുണ്ട്.
എന്നാൽ, ഇവയുടെ ഗുണമനുഭവിക്കാൻ ഈ ഭൂപരപ്പിലെ ഏറ്റവുംവലിയ മൃഗത്തിന് സാധിക്കുന്നില്ലെന്നതാണ് വസ്തുതയത്രേ.കഴിഞ്ഞ മുപ്പതുവർഷത്തിനിടെ നാൽപ്പത് ശതമാനം കുറവാണ് ജിറാഫിലുണ്ടായിട്ടുള്ളതെന്നാണ് റിപ്പോർട്ട്. നിലവിൽ 97,000 ജിറാഫുകളാണ് ഉള്ളതെന്നും റിപ്പോർട്ടിലുണ്ട്.സ്വാഭാവിക വാസസ്ഥലം നഷ്ടപ്പെടുന്നതും നഗരങ്ങളും പട്ടണങ്ങളും ക്രമാതീതമായി വികസിക്കുന്നതുമാണ് ജിറാഫുകൾ നേരിടുന്ന പ്രധാന വെല്ലുവിളി.
അനധികൃതമായ വേട്ടയും നിയമാനുസൃതമായ വേട്ടയും എണ്ണം കുറയ്ക്കുന്നുമുണ്ട്.
2016-ൽ ഇന്റർനാഷണൽ യൂണിയൻ ഫോർ നേച്വർ ആൻഡ് .