കേരളത്തില്‍ കനത്തമഴയ്ക്കു സാധ്യത

ന്യൂനമര്‍ദ്ദം ചുഴലിക്കൊടുങ്കാറ്റാകും; കേരളത്തില്‍ കനത്തമഴയ്ക്കു സാധ്യത. ശ്രീലങ്കയ്ക്കു സമീപം രൂപമെടുത്ത ന്യൂനമര്‍ദ്ദം ചുഴലിക്കൊടുങ്കാറ്റായി രൂപമെടുക്കുന്നു. ഇതിനെ തുടന്നു കേരളത്തില്‍ കനത്തമഴയ്ക്കു സാധ്യതയെന്നു കാലാവസ്ഥാ നിരീക്ഷണ കേന്ദ്രം അറിയിച്ചു. സംസ്ഥാനത്തെ എട്ട് ജില്ലകളില്‍ യെല്ലോ അലേര്‍ട്ട് പ്രഖ്യാപിച്ച‌ിട്ടുണ്ട്. മത്സ്യത്തൊഴിലാളികള്‍ ചൊവ്വാഴ്ച വരെ കടലില്‍പോകരുതെന്ന് നിര്‍ദ്ദേശമുണ്ട്.ചെന്നെക്കും ട്രിങ്കോമലിക്കും ഇടയില്‍ കടലില്‍സ്ഥിതിചെയ്യുന്ന ന്യൂനമര്‍ദ്ദം കൂടുതല്‍ ശക്തി പ്രാപിച്ചു വരുന്ന 24 മണിക്കൂറിനകം ചുഴലിക്കൊടുങ്കാറ്റായി മാറുമെന്നാണു കേന്ദ്രകാലാവസ്ഥാ വകുപ്പിന്റെ പ്രവചനം.ഇതു തിങ്കളാഴ്ചയോടെ കൂടുതൽ തീവ്രത കൈവരിക്കും.ചെന്നൈക്കു സമീപത്തേക്കും തുടര്‍ന്ന് ആന്ധ്രയുടെ തെക്കന്‍തീരത്തേക്കും നീങ്ങുമെന്നാണ് ഇപ്പോള്‍കരുതുന്നത്.കന്യാകുമാരി, ഭൂമധ്യരേഖക്കടുത്ത ഇന്ത്യന്‍മഹാസമുദ്രം, ബംഗാള്‍ ഉൾക്കടൽ എന്നിവിടങ്ങളിലും കടല്‍ക്ഷോഭം ശക്തമാകും.മണിക്കൂറില്‍ 115 കിലോമീറ്റര്‍ വരെ വേഗതയുള്ള കാറ്റിനും സാധ്യതയുണ്ട്.
തിങ്കളാഴ്ചയോടെ കേരളത്തില്‍ കനത്തമഴയ്ക്കും മണിക്കൂറില്‍ 50 കിലോമീറ്റര്‍വേഗതയുള്ള കാറ്റിനും ഇടയുണ്ട്.തീരപ്രദേശങ്ങളില്‍ താമസിക്കുന്നവര്‍ ശ്രദ്ധിക്കണം.എട്ട് ജില്ലകളില്‍ ജാഗ്രതാ നിര്‍ദ്ദേശമായ യെല്ലോ അലേര്‍ട്ട് പ്രഖ്യാപിച്ചു. കോട്ടയം, ഇടുക്കി, എറണാകുളം, തൃശ്ശൂര്‍, പാലക്കാട്, മലപ്പുറം, കോഴിക്കോട്, വയനാട് ജില്ലകളിലാണ് ജാഗ്രതാ നിര്‍ദ്ദേശം. കനത്തമഴയും കാറ്റുമുണ്ടാകാനിടയുള്ളതിനാല്‍ കേരളതീരത്തുനിന്നു മത്സ്യതൊഴിലാളികള്‍ ചൊവ്വാഴ്ച വരെ കടലില്‍ പോകരുത്. മണ്ണിടിച്ചിലും ഉരുള്‍പൊട്ടലും ഉണ്ടാകാനിടയുള്ളതിനാല്‍ മലയോരത്ത് താമസിക്കുന്നവര്‍ ജാഗ്രതപാലിക്കണമെന്ന് ദുരന്തനിവാരണ അതോറിറ്റി ആവശ്യപ്പെട്ടു.

Yellow Alert Issued in 8 Kerala Districts


Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/

കേരളത്തില്‍ കനത്തമഴയ്ക്കു സാധ്യത|Yellow Alert Issued in 8 Kerala Districts.