#PilotJerrieCobb#Nasa#News60



ബഹിരാകാശയാത്ര പരീക്ഷ വിജയിച്ച ആദ്യ വനിത ,പക്ഷേ ചന്ദ്രനിലേക്ക് വിടാതെ നാസ;ജെറി കോബ് വിടവാങ്ങി

Subscribe to News60 :https://goo.gl/VnRyuF Read: http://www.news60.in/ https://www.facebook.com/news60malayalam/




അസാധാരണമായ നേട്ടത്തിന്റെ ഉടമായിയിരുന്നു വൈമാനികയായ ജെറി കോബ്. പക്ഷേ, ജീവിതത്തിലും മരണത്തിലും അവര്‍ ഓര്‍മിക്കപ്പെടുന്നത് അവര്‍ എന്തു നേടി എന്നതിന്റെ പേരിലല്ല, നേടാതെ പോയതിന്റെ പേരിലാണ്. വാഗ്ദാനം ചെയ്യപ്പെട്ട ചന്ദ്രനെ ഒരിക്കല്‍പ്പോലും ലഭിച്ചില്ലെങ്കിലും സന്തോഷവതിയായിരുന്നു ജെറി കോബ്. വളര്‍ത്തിവലുതാക്കിയ അതേ രാജ്യം വഞ്ചിച്ചു എന്നു തുറന്നെഴുതിയ സാഹസിക സഞ്ചാരി. ജീവിതത്തിലെ ഏറ്റവും വലിയ ആഗ്രഹം സാക്ഷാത്കരിക്കാന്‍ കഴിഞ്ഞില്ലെങ്കിലും ചരിത്രത്തിലും ഭൂമിയിലും ആകാശത്തും സ്വന്തം പേര് ആഴത്തില്‍ പതിപ്പിച്ച് ജെറി കോബ് വിടവാങ്ങി . 88-ാം വയസ്സിലാണ് ജെറി കോബിന്റെ അന്ത്യം. മാര്‍ച്ച് 18 ന് ഫ്ലോറിഡയിലാണ് അവര്‍ അന്ത്യശ്വാസം വലിച്ചതെങ്കിലും ഏകദേശം ഒരുമാസത്തിനുശേഷമാണ് മരണവാര്‍ത്ത പുറത്തെത്തിയിരിക്കുന്നത്. ജീവിതത്തില്‍ എന്നും പുലര്‍ത്തിയ സസ്പെന്‍സും സര്‍പ്രൈസും മരണത്തിലും കാത്തുസൂക്ഷിച്ച സ്ത്രീക്ക് അന്ത്യാഞ്ജലി അര്‍പ്പിക്കുകയാണ് അമേരിക്ക; ലോകവും. ജെറി കോബ് ശ്രദ്ധേയയാകുന്നത് 1961-ല്‍. ബഹിരാകാശ യാത്രികയാനുള്ള അവസാന കടമ്പയും അന്നാണ് അവര്‍ കടക്കുന്നത്. കഠിനമായ ശാരീരിക ശിക്ഷണങ്ങളിലൂടെ കടന്നുപോകുന്നവര്‍ക്കു മാത്രമായിരുന്നു യോഗ്യത. എല്ലാത്തരം പരീക്ഷകളും പരീക്ഷണങ്ങളും അവര്‍ വിജയകരമായി നേരിട്ടു. അവര്‍ക്കൊപ്പം 12 വനിതകള്‍ കൂടിയുണ്ടായിരുന്നു. മൊത്തം 13 പേര്‍. ‘മെര്‍ക്കുറി 13’ എന്ന പേരില്‍ അറിയപ്പെട്ടു ആ യുവവനിതാ സംഘം. അവര്‍ 13 പേര്‍ക്കും എല്ലാ യോഗ്യതയുമുണ്ടായിരുന്നിട്ടും ജെറ്റ് വൈമാനികരായിരുന്ന ഏഴു പുരുഷന്‍മാരെയാണ് നാസ അന്നു തിരഞ്ഞെടുത്തത്. മെര്‍ക്കുറി 13 ലെ ഒരു യുവതിക്കുപോലും യോഗ്യതയുണ്ടായിരുന്നിട്ടും അവസരം ലഭിച്ചില്ല. നൂറ്റാണ്ടുകളായി സ്ത്രീകള്‍ക്ക് നിഷേധിക്കപ്പെട്ട കിട്ടാക്കനികളില്‍ ഒന്നായി. ഒരിക്കലും പാലിക്കപ്പെടാത്ത വാഗ്ദാനമായി.
വിവേചനമില്ലാത്ത ഒരു തിരഞ്ഞെടുപ്പ്. അതാണു ഞങ്ങള്‍ക്കു വേണ്ടത്. സ്നേഹിക്കുന്ന, ആദരിക്കുന്ന സ്വന്തം രാജ്യത്തിലെ ബഹിരാകാശ ചരിത്രത്തില്‍ ഒരിടം. അതാണു ഞങ്ങള്‍ക്കു വേണ്ടത്.ജെറി കോബ് അന്ന.