MTB આર્ટ્સ કોલેજના 100 વર્ષ પૂરા થતા નર્મદ સાહિત્ય સભાના યજમાન પદે સુરતમાં ગુજરાતી સાહિત્ય પરિષદના 30મા જ્ઞાનસત્રનું આયોજન કરવામાં આવ્યું છે. આ જ્ઞાનસત્રમા ગુજરાતી સાહિત્ય પરિષદ સંચાલિત ચી.મં.ગ્રંથાલયના મંત્રી પરીક્ષિત જોશીના આયોજન મુજબ ગ્રંથાલય દ્વારા મહાત્મા ગાંધીજીના અલભ્ય અને અદેય પુસ્તકોનું ખાસ પ્રદર્શન રાખવામાં આવ્યું છે. શહેરની MTB કોલેજ ખાતે યોજાયેલા આ જ્ઞાનસત્રમાં ગાંધીજીના જીવન આધારિત અને ગાંધીજીના હસ્તે લખાયેલા પુસ્તકો આકર્ષણની કેન્દ્ર બન્યા હતા. જેમાં ગાંધીજીની હયાતી દરમિયાન લખાયેલા ફર્સ્ટ એડિશનના 19 પુસ્તકો અને ગાંધીજી પર સંપાદિત થયેલા 43 પુસ્તકોનો સમાવેશ કરવામાં આવે છે.

આ પુસ્તકોમાં ગાંધીજીના હસ્તાક્ષર વાળું ' હિન્દ સ્વરાજ', મહાત્મા ગાંધીના કેટલાક અલભ્ય ફોટાઓ, નવજીવન સાથેની તેમની યાત્રા, તેમના જીવન પર જેમનો પ્રભાવ છે અને તેમને સત્ય અને પ્રામાણિકતાના પાઠ શીખવાડનાર તેમના દાદા, પિતા, માતા અને રંભા (તેમને ડરમાંથી મુક્તિ અપાવી રામનામ શીખવાડનાર) વગેરેની વાતો પણ જોવા મળે છે. આ પ્રકારના પુસ્તકોનું બીજું એડિશન મોટા ભાગે બજારમાં જોવા મળતું નથી. જેથી સુરતમાં યોજાયેલા આ ગુજરાતી સાહિત્યના પ્રોગ્રામમાં ગાંધી પ્રેમી લોકો, ગાંધીજીના વિચાર ધરાવતા લોકો અને સાહિત્યમાં રસ ધરાવતા લોકોને એટલા માટે જ્ઞાનસત્રમાં ગાંધીજીના પુસ્તકોના પ્રદર્શનનું આયોજન કરવામાં આવ્યું છે.

Know more on https://www.khabarchhe.com
Follow US On:

Facebook - https://www.facebook.com/khabarchhe/
Twitter - https://www.twitter.com/khabarchhe
Instagram - https://www.instagram.com/khabarchhe/
Youtube - https://www.youtube.com/khabarchhe

Download Khabarchhe APP
https://www.khabarchhe.com/downloadApp

Watch સુરતની MTB કોલેજમાં ગુજરાતી સાહિત્ય પરિષદ દ્વારા જ્ઞાનસત્રનું આયોજન With HD Quality.