കംപ്ലീറ്റ് സുരക്ഷയില്‍ മാത്രം ട്രംപിന്റെ ഏഷ്യ ടൂര്‍....!!!

ഏഷ്യ സന്ദര്‍ശനത്തിനായുള്ള ട്രംപിന്റെ സുരക്ഷ മുന്നൊരുക്ക ചിത്രങ്ങള്‍ ഇന്റര്‍നെറ്റില്‍

ഉത്തരകൊറിയയ്ക്ക് എതിരെയുള്ള സഖ്യം ശക്തിപ്പെടുത്തുകയെന്ന ഉദ്ദേശ്യത്തോടെ ഡൊണള്‍ഡ് ട്രംപ് ഏഷ്യാ സന്ദര്‍ശനത്തിനൊരുങ്ങുന്നു.രാജ്യാന്തര സമൂഹം ഉറ്റുനോക്കുന്ന ട്രംപിന്റെ ഏഷ്യന്‍ സന്ദര്‍ശനത്തില്‍ അമേരിക്കന്‍ പ്രസിഡന്റിന്റെ സുരക്ഷാ മുന്നൊരുക്കങ്ങളുടെ ചിത്രങ്ങളാണ് ഇന്റര്‍നെറ്റില്‍ പ്രചരിക്കുന്നത്.സര്‍വ്വ സന്നാഹങ്ങളോടെയുമുള്ള ട്രംപിന് വേണ്ടി ഭീമാകരമായ C-17 ഗ്ലോബ്മാസ്റ്റര്‍ വിമാനത്തില്‍ പുറപ്പെട്ട വാഹനവ്യൂഹത്തിന്‍െ ചിത്രങ്ങള്‍ രഹസ്യ സുരക്ഷാ വിഭാഗമാണ് ട്വിറ്ററിലൂടെ പുറത്ത് വിട്ടത്.അത്യാധുനിക സുരക്ഷ ഒരുങ്ങിയ വാഹനവ്യൂഹത്തില്‍ അമേരിക്കന്‍ പ്രസിഡന്റിന്റെ ഔദ്യോഗിക വാഹനം ബീസ്റ്റും ഉള്‍പ്പെട്ടിട്ടുണ്ട്.രാജ്യാന്തര സന്ദര്‍ശനങ്ങളിലും അമേരിക്കന്‍ പ്രസിഡന്റ് യാത്ര ചെയ്യുക ഔദ്യോഗിക വാഹനമായ കാഡിലാക്ക് ബീസ്റ്റില്‍ മാത്രമാണ്. ബാലിസ്റ്റിക് മിസൈലോ, ഐഇഡിയോ, രാസായുധങ്ങളോ എന്തുമാകട്ടെ കാഡിലാക്കിനുള്ളില്‍ അമേരിക്കന്‍ പ്രസിഡന്റ് എന്നും സുരക്ഷിതമായിരിക്കും.അത്യാധുനിക ആശയവിനിമയ സങ്കേതികതയും, അടിയന്തര വൈദ്യസഹായ സജ്ജീകരണങ്ങളും കാഡിലാക്ക് ബീസ്റ്റിലുണ്ട്.അതേസമയം നിലവിലുള്ള കാഡിലാക്കിലും മികച്ച കാഡിലാക്ക് വണ്ണിന്റെ പണിപ്പുരയിലാണ് അമേരിക്ക. അമേരിക്കന്‍ നിര്‍മ്മാതാക്കളായ ജനറല്‍ മോട്ടോര്‍സാണ് പുതിയ കാഡിലാക്ക് വണ്ണിനെ നിര്‍മ്മിക്കുന്നത്.പുതിയ ഔദ്യോഗിക വാഹനത്തെ അതീവ രഹസ്യമായാണ് ജനറല്‍ മോട്ടോര്‍സും അമേരിക്കന്‍ സുരക്ഷാ വിഭാഗവും സംയുക്തമായി ഒരുക്കുന്നത്.15.8 മില്യണ്‍ ഡോളറാണ് പുതിയ കാഡിലാക്ക് വണ്ണിന് വേണ്ടി അമേരിക്ക മാറ്റി വെച്ചിരിക്കുന്നത്.അടുത്ത വര്‍ഷത്തോടെ കാഡിലാക്ക് വണ്‍ പൂര്‍ത്തിയാകുമെന്നാണ് സൂചന.നിലവില്‍ മുന്‍പ്രസിഡന്റ് ബരാക് ഒബാമ ഉപയോഗിച്ചിരുന്ന കാഡിലാക്ക് ബീസ്റ്റിനെയാണ് ഡൊണള്‍ഡ് ട്രംപ് ഉപയോഗിക്കുന്നത്. 1.5 മില്യണ്‍ ഡോളറാണ് ചെലവിലാണ് നിലവിലെ കാഡിലാക്ക് ബീസ്റ്റ് ഒരുങ്ങിയിട്ടുള്ളതും.

Subscribe to News60 :https://goo.gl/uLhRhU
Read: http://www.news60.in/
https://www.facebook.com/news60ml/

Donald Trump's state-of-the-art limousine motorcade.