പ്രമേഹത്തെ തിരിച്ചറിയാം

പ്രമേഹ രോഗ ലക്ഷണങ്ങള്‍

നിശബ്ദനായ കൊലയാളി എന്നാണു പ്രമേഹം പൊതുവേ അറിയപ്പെടുന്നത്. ശരീരം കാണിച്ചു തരുന്ന നിസ്സാരമായ ലക്ഷണങ്ങളെ അവഗണിച്ചാല്‍ നമ്മള്‍ അറിയാതെ തന്നെ രോഗം മൂര്‍ദ്ധന്യാവസ്ഥയിലെത്തും.പ്രമേഹം പലപ്പോഴും അവിചാരിതമായിട്ടാണ് നിര്‍ണയിക്കപ്പെടുന്നത്.അമിതമായ ദാഹമാണ് പ്രമേഹത്തിന്റെ പ്രധാന ലക്ഷണമായി പറയപ്പെടുന്നത് വെള്ളം എത്ര കുടിച്ചാലും വായ വരണ്ടിരിക്കുന്ന അവസ്ഥ.ശരീര കലകളിലെ ജലാംശം വലിച്ചെടുത്ത് മൂത്രത്തിലൂടെ പുറന്തള്ളുന്നത് വഴി നിര്‍ജ്ജലീകരണം നടക്കുകയും ദാഹം കൂടുകയും ചെയ്യുന്നു.അടിക്കടി മൂത്രമൊഴിക്കാന്‍ തോന്നുന്നതും ചിലപ്പോള്‍ പ്രമേഹ ലക്ഷണമാകാം.
ഭക്ഷണം കഴിച്ചാലും അതിയായ വിശപ്പ് അനുഭവപ്പെടുക. പഞ്ചസാര ഭക്ഷണത്തില്‍ നിന്നും കോശങ്ങളില്‍ എത്താത്തതു കൊണ്ട് വിശപ്പ് അടങ്ങാതെ വരികയും വീണ്ടും കഴിക്കാന്‍ തോന്നുകയും ചെയ്യുന്നു.വയറിലെ കൊഴുപ്പ് പ്രമേഹത്തെ സ്വാധീനിക്കുന്ന പ്രധാന ഘടകമാണ്.ഇടുപ്പിന് 32 ഇഞ്ചില്‍ കൂടുതലുണ്ടെങ്കില്‍, ബ്ലഡ് ഷുഗര്‍ നിരക്ക് അടിക്കടി പരിശോധിക്കുന്നത് നന്നായിരിക്കും.സ്ഥിരമായി അനുഭവപ്പെടുന്ന തളര്‍ച്ച, ക്ഷീണം,കഴുത്തിനു ചുറ്റും കാണപ്പെടുന്ന കറുത്ത പാടുകള്‍,കാഴ്ച മങ്ങല്‍,പെട്ടെന്നുണ്ടാകുന്ന ഭാരക്കുറവ് എന്നിവ പ്രമേഹത്തിന്റെ ലക്ഷണങ്ങളാണ്.ഇത്തരം ലക്ഷണങ്ങള്‍ ശ്രദ്ധയില്‍ പെട്ടാല്‍ വൈദ്യസഹായം തേടാന്‍ മറക്കണ്ട



Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

symptoms of diabetes.