ആസ്യയുടെ വധശിക്ഷ സുപ്രീം കോടതി റദ്ദാക്കി

മുഹമ്മദ് നബിയെ അപമാനിച്ചെന്ന കേസില്‍ പാകിസ്ഥാനില്‍ വധശിക്ഷയ്ക്ക് വിധിക്കപ്പെട്ട ക്രിസ്ത്യന്‍ യുവതിയെ സുപ്രീംകോടതി കുറ്റവിമുക്തയാക്കി.

കുറ്റം തെളിയിക്കുന്നതിനാവശ്യമായ തെളിവുകള്‍ ഹാജരാക്കുന്നതില്‍ പ്രോസിക്യൂഷന്‍ പരാജയപ്പെട്ടെന്നു കണ്ടെത്തിയ പാകിസ്ഥാന്‍ , വധശിക്ഷയ്ക്കെതിരെ ആസിയ നല്‍കിയ അപ്പീല്‍ അംഗീകരിക്കുകയായിരുന്നു.2009 ലായിരുന്നു കേസിനാസ്പദമായ സംഭവം . പാക് പഞ്ചാബ് പ്രവിശ്യയിലെ കൃഷിയിടത്തില്‍ ജോലിക്കിടെ ഒരു മുസ്‌ലീം യുവതിയുമായി ഉണ്ടായ വഴക്കിൽ മതനിന്ദാ പരമായ പരാമര്‍ശങ്ങള്‍ ആസിയ നടത്തിയെന്ന പരാതിയെത്തുടര്‍ന്ന് അഞ്ചുകുട്ടികളുടെ മാതാവായ ഇവരെ അറസ്റ്റ് ചെയുകയായിരുന്നു . കുറ്റവിമുക്തമാക്കിയ നടപടിയെ അനുകൂലിച്ചും പ്രതികൂലിച്ചുകൊണ്ടും ആളുകൾ രംഗത്തിറങ്ങി .എട്ട് വര്‍ഷം നീണ്ട ഏകാന്ത തടവിനൊടുവിലാണ് വധശിക്ഷ കോടതി റദ്ദാക്കിയത്. അവിശ്വസനീയമെന്നാണ് അവര്‍ കോടതി വിധിയോട് പ്രതികരിച്ചു .ആസിയയെ കുറ്റവിമുക്തമാക്കിയതിനു പിന്നാലെ ആസിയയ്ക്കെതിരായ കുറ്റങ്ങളില്‍ ഭൂരിഭാഗവും അവരുടെ മതവുമായി ബന്ധപ്പെടുത്തി കെട്ടിച്ചമച്ചതാണെന്ന് സുപ്രീം കോടതി കണ്ടെത്തി. രാജ്യത്ത് മനുഷ്യാവകാശവും മതസ്വാതന്ത്ര്യവും അനുവദിക്കുന്നതിനുള്ള കൂടുതല്‍ നടപടികള്‍ ഉണ്ടാവുമെന്നും പാകിസ്ഥാന്‍ കോടതി പ്രത്യാശ പ്രകടിപ്പിച്ചു. 2010 മുതല്‍ കിഴക്കന്‍ പാക്കിസ്ഥാനിലെ മുള്‍ട്ടാണ്‍ പ്രദേശത്തുള്ള ജയിലില്‍ ഏകാന്ത തടവിലായിരുന്നു ആസിയ. ജയിലിനുള്ളില്‍ കൊലപ്പെടുത്തുന്നവര്‍ക്ക് അഞ്ചു ലക്ഷം രൂപ നല്‍കാമെന്ന് ഒരു മുസ്ലീം പണ്ഡിതന്‍ പരസ്യമായി പ്രഖ്യാപിച്ചിരുന്നതിനാൽ സുരക്ഷാ ഭീഷണി തുടർന്നാണ് ഏകാന്ത തടവില്‍ പാര്‍പ്പിച്ചിരുന്നത്. കഴിഞ്ഞ ഒക്ടോബറില്‍ ആസിയയുടെ അപ്പീല്‍ കോടതി പരിഗണിച്ചെങ്കിലും പ്രധാന ജഡ്ജി പിന്‍മാറിയതിനെ തുടർന്ന് കേസ് പരിഗണിക്കുന്നത് സുപ്രീംകോടതി അനിശ്ചിത കാലത്തേക്ക് മാറ്റിവെക്കുകയായിരിന്നു.വിധി പ്രഖ്യാപിച്ചതിന് പിന്നാലെ രാജ്യത്തിന്‍റെ വിവിധ ഭാഗങ്ങളില്‍ മത സംഘടനകളുടെ നേതൃത്വത്തില്‍ പ്രതിഷേധ പ്രകടനങ്ങള്‍ നടന്നു.

Supreme Court reserves verdict on Asia Bibi's final appeal against execution.