നാട്ടുവാസികളുടെ ഉറക്കം കെടുത്തിയവള്‍ ഇനിയില്ല

സുപ്രീം കോടതി കൊല്ലാന്‍ ഉത്തരവിട്ട നരഭോജി കടുവയെ മഹാരാഷ്ട്രയില്‍ വെട് വെച്ചു കൊന്നു. 13 പേരെ കൊലപ്പെടുത്തിയതെന്നു കരുതുന്ന അവ്നി എന്ന പെണ്‍കടുവയെ വെടിവെച്ചു കൊല്ലാന്‍ കോടതി ഉത്തരവിടുകയായിരുന്നു. മഹാരാഷ്ട്രയിലെ യവത്മാല്‍ മേഖലയില്‍ വെച്ചാണ് കടുവയെ വെടിവെച്ചു കൊന്നത്. പാന്തര്‍കവ്ട എന്ന സ്ഥലത്താണ് കടുവയുടെ ആക്രമണം കൂടുതലായി റിപ്പോര്‍ട്ട് ചെയ്യപ്പെട്ടിരുന്നത്. ഔദ്യോഗികമായി ടി-1 എന്ന് അറിയപ്പെടുന്ന പെണ്‍ കടുവ കഴിഞ്ഞ വര്‍ഷം അഞ്ചു ഗ്രാമീണരെയാണ് കൊലപ്പെടുത്തിയത്. 2016 മുതല്‍ കടുവയുടെ ആക്രമണത്തില്‍ പ്രദേശത്ത് എട്ടോളം പേര്‍ കൊല്ലപ്പെട്ട സംഭവങ്ങള്‍ക്ക് ഇടയാക്കിയത് അവ്നി തന്നെയാണെന്നാണ് അധികൃതര്‍ കരുതുന്നത്. ആക്രമണം രൂക്ഷമായതിനെ തുടര്‍ന്ന് കടുവയെ പിടിക്കുന്നതിനുള്ള വ്യാപകമായ ശ്രമങ്ങള്‍ നടന്നു വരികയായിരുന്നു.

കടുവയെ കൊല്ലരുതെണ്ണ്‍ ആവശ്യപ്പെട്ട് ഒന്‍പതിനായിരത്തോളം പേര്‍ ഒപ്പിട്ട് സമര്‍പിച്ച ഹര്‍ജി കോടതി തള്ളുകയായിരുന്നു.എല്ലാ ആക്രമണങ്ങളും നടത്തിയത് ഒരേ കടുവയല്ലെന്ന വാദവും ഉയര്‍ന്നിരുന്നു. സാധാരണഗതിയില്‍ കടുവകള്‍ മനുഷ്യരെ തുടര്‍ച്ചയായി ആക്രമിക്കാറില്ലെന്നാണ് വിദഗ്ധര്‍ പറയുന്നത്. മനുഷ്യമാംസത്തിന്റെ രുചി അറിഞ്ഞതാകം തുടരെ തുടരെ ഉള്ള ആക്രമണങ്ങള്‍ക്ക് കാരണമെന്നാണ് കരുതുന്നത്. അവ്നി കൊല്ലപ്പെട്ടതോടെ പത്തുമാസം പ്രായമായ 2 കടുവകുട്ടികളുടെ ആശ്രയമില്ലാതായി.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

Man-Eating Tigress Avani That Killed 13 People in 2 Years Shot Dead.