മുഖ്യമന്ത്രിയുടെ ഓഫീസ് വേട്ടയാടുന്നുവെന്ന് കെ.സുരേന്ദ്രന്‍

മഞ്ചേശ്വരം തിരഞ്ഞെടുപ്പിൽ താൻ ജയിക്കുമോയെന്ന ഭയമാണ് മുഖ്യമന്ത്രിക്കെന്നും സുരേന്ദ്രൻ

മുഖ്യമന്ത്രിയുടെ ഓഫീസ് തന്നെ വേട്ടയാടുന്നുവെന്ന് ബിജെപി നേതാവ് കെ.സുരേന്ദ്രന്‍.
തന്നെ അനന്തമായി ജയിലിൽ അടയ്ക്കാൻ ആസൂത്രിതമായ ഗൂഢാലോചന നടക്കുന്നു. മഞ്ചേശ്വരം തിരഞ്ഞെടുപ്പിൽ താൻ ജയിക്കുമോയെന്ന ഭയമാണ് മുഖ്യമന്ത്രിക്കെന്നും സുരേന്ദ്രൻ പറഞ്ഞു.കേസുകളെ നിയമപരമായി നേരിടും. കൊട്ടാരക്കര ജയിലിൽനിന്ന് റാന്നി കോടതിയിൽ ഹാജരാക്കാനായി കൊണ്ടുപോകുമ്പോഴായിരുന്നു സുരേന്ദ്രന്‍റെ പ്രതികരണം. സന്നിധാനത്തെത്തിയ 52 കാരിയെ ആക്രമിച്ച കേസിൽ ഗൂഢാലോചനക്കുറ്റമാണ് കെ.സുരേന്ദ്രനെതിരെ ചുമത്തിയിരിക്കുന്നത്. കേസിൽ നേരത്തേ അറസ്റ്റിലായ സൂരജിന്റെ ഫേസ്ബുക്ക്‌ പോസ്റ്റും സംഭവ ദിവസം സന്നിധാനത്തെ സംഘർഷങ്ങളിലെ സാന്നിധ്യവും കണക്കിലെടുത്താണ് നടപടി. കെ.സുരേന്ദ്രനുപുറമേ ആർ.എസ്.എസ് നേതാവ് വല്‍സന്‍ തില്ലങ്കരി, വി.വി.രാജേഷ്, കഴിഞ്ഞ ദിവസം അറസ്റ്റിലായ ആർ.രാജേഷ്, യുവമോര്‍ച്ച അധ്യക്ഷന്‍ പ്രകാശ് ബാബു എന്നിവരെയും കേസിൽ പ്രതി ചേർത്തിട്ടുണ്ട്.
ഈ കേസിൽ ജാമ്യം കിട്ടിയാലും കണ്ണൂരിലെ കേസിൽ ജാമ്യം ലഭിക്കാതെ റിമാൻഡിൽ കഴിയുന്ന കെ.സുരേന്ദ്രന് പുറത്തിറങ്ങാനാകില്ല.
Subscribe to News60 :https://goo.gl/VnRyuF Read: http://www.news60.in/ https://www.facebook.com/news60ml/

K.Surendran slams CM.