ലൂട്ടേഷ്യ ഹോട്ടൽ - പിക്കാസോയ്ക്കും, ഹെമിങ് വേയ്ക്കുമൊക്കെ ഒരുപോലെ പ്രിയപ്പെട്ട ഇടം

17000 മണിക്കൂര്‍ നീണ്ടു നിന്ന കഠിന പരിശ്രമത്തിലൂടെയാണ് ബാര്‍ പുതുക്കി പണിഞ്ഞത്

ഒരു നൂറ്റാണ്ടോളം പഴക്കമുള്ളതും പല പ്രമുഖ വ്യക്തികളും സന്ദർശിച്ചിട്ടുള്ളതുമായ പാരീസിലെ ലുട്ടെഷ്യ ഹോട്ടല്‍ നീണ്ട നാല് വര്‍ഷത്തെ നവീകരണ പ്രവർത്തനങ്ങൾക്ക് ശേഷം വീണ്ടും തുറക്കുന്നു. പാരീസിലെ സെയിന്റ്-ജർമൻ -ഡെസ്-പ്രെസിലാണ് ഹോട്ടൽ സ്ഥിതി ചെയ്യുന്നത്. 235 മില്യൺ ഡോളറിന്റെ നവീകരണം പ്രവർത്തനങ്ങളാണ് നടന്നത്. ഹോട്ടൽ കെട്ടിടത്തിലെ 184 മുറികളിലെയും സ്യൂട്ടുകളിലെയും ചുമര്‍ചിത്രങ്ങളും അലങ്കാരപണികളും പഴമയുടെ സൗന്ദര്യം നിലനിർത്തിക്കൊണ്ടാണ് നവീകരിച്ചിട്ടുള്ളത് .17000 മണിക്കൂര്‍ നീണ്ടു നിന്ന കഠിന പരിശ്രമത്തിലൂടെയാണ് ബാര്‍ പുതുക്കി പണിഞ്ഞത്.പഴമ നശിക്കാതെ തന്നെ ഒരു പുതിയ ഹോട്ടല്‍ നിര്‍മ്മിക്കുകയായിരുന്നു ലക്ഷ്യം. സൂര്യ വെളിച്ചം കടക്കുന്ന തരത്തിലാണ് ഹോട്ടല്‍ നവീകരിച്ചിട്ടുള്ളത്'. 17 മീറ്റര്‍ നീളമുള്ള സ്വിമ്മിംഗ് പൂള്‍, ബഹുശാഖദീപം, വെള്ള മാര്‍ബിളുകള്‍, 1.9 ടണ്‍ തടികൊണ്ടാണ് കുളിപ്പുര നിര്‍മ്മാണം നവീകരണത്തിന്റെ ഭാഗമാണ്. ഹോട്ടലിലെ റെസ്റ്റോറന്റ് ശരത്കാലത്തെ തുറക്കുകയുള്ളു. ലോകത്തെ ആദ്യ ഡിപ്പാര്‍ട്മെന്റ് സ്റ്റോറായ ബോണ്‍ മാര്‍ഷെ ഉടമ മാര്‍ഗരെറ്റ് ബൗസികോട് ആണ് 1910-ൽ പാരീസിലേക്ക് എത്തുന്ന സമ്പന്നർക്ക് വേണ്ടി ഹോട്ടൽ നിർമ്മിച്ചത്. വളരെ പെട്ടന്നു തന്നെ ഈ ഹോട്ടല്‍ ആഗോള ശ്രദ്ധ പിടിച്ചു പറ്റിയിരുന്നു ഈ ഹോട്ടൽ. നാസികൾ പാരീസ് പിടിച്ചെടുത്തപോൾ ജർമൻ സേന ഹോട്ടൽ ഏറ്റെടുക്കുകയും സൈന്യത്തിന്റെ വിനോദ കേന്ദ്രമാക്കി മാറ്റുകയുമായിരുന്നു . വിമോചന കാലത്ത് അഭയാര്‍ത്ഥി കേന്ദ്രമാക്കി മാറ്റി.ലോകം ഇതുവരെ കണ്ടിട്ടുള്ളതിൽ വെച്ച്‌ ഏറ്റവും മഹാനായ ചിത്രകാരൻ പാബ്ലോ പിക്കാസോ, ഹെന്റി മറ്റിസ്സിനെ പോലെയുള്ള പ്രശസ്തരും ഇവിടത്തെ സ്ഥിരം സന്ദർശകരായിരുന്നു . ഐറിഷ് സാഹിത്യകാരന്‍ ജെയിംസ് ജോയ്സ് തന്റെ പ്രശസ്തമായ യൂളിസീസ് നോവലിന്റെ ഒരു ഭാഗം ഇവിടെ ഇരുന്നാണ് എഴുതിയത്. ഏണസ്റ്റ് ഹെമിങ്വേ, ജോസഫൈന്‍ ബേക്കറും ഇവിടെയെത്തറുണ്ടായിരുന്നു .നിലവില്‍ ഫോര്‍ സ്റ്റാര്‍ ഹോട്ടലായ ലുട്ടെഷ്യ പഞ്ചനക്ഷത്ര ഹോട്ടല്‍ പദവിക്കായി അപേക്ഷ നല്‍കിയിട്ടുണ്ട്. ഇസ്രായേലിലെ അല്‍റാവ് എന്ന ഗ്രൂപ്പ് 2010-ല്‍ ലുട്ടെഷ്യ സ്വന്തമാക്കി. നവീകരണത്തിന് മുന്‍പ് 30 മില്യണ്‍ യൂറോ ആയി.