കൊച്ചിയിലെ ക്യുൻസ് വോക്ക് വെ

ഇന്ത്യയിലെ തന്നെ ആദ്യത്തെ ഓട്ടമേറ്റഡ് മ്യൂസിക്കല്‍ വോക്ക് വേയാണിത്


കൊച്ചിയിൽ കായല്‍ സൗന്ദര്യം ആസ്വദിച്ച്‌ ഞായറാഴ്ച്ചകള്‍ ആനന്ദകരമാക്കാന് ക്യൂന്സ് വോക്ക് വേ ഒരുങ്ങുന്നു. ഗോശ്രീ ചാത്യാത്ത് റോഡിലുള്ള ക്യൂന്സ് വോക്ക് വേയുടെ മുന്ഭാഗത്തുള്ള റോഡിന്റെ ഒരു വശം ഇനി മുതല്‍ ഞായറാഴ്ച്ചകളില്‍ രാവിലെ ആറ് മുതല്‍ രാത്രി 10 വരെ വിനോദങ്ങള്‍ക്കായി തുറന്ന് കൊടുക്കാന് ജില്ലാ കലക്റ്റര്‍ വിളിച്ച്‌ ചേര്ത്ത യോഗത്തില്‍ തീരുമാനിച്ചു. 26ന് പരീക്ഷണാടിസ്ഥാനത്തില്‍ പദ്ധതി ആരംഭിക്കും. വിജയകരമായാല്‍ തുടര്ന്നുള്ള ഞായറാഴ്ച്ചകളിലും പദ്ധതി നടപ്പിലാക്കും.ഒരു മീറ്ററോളം കായലിലേക്ക് തള്ളി സ്ലാബ് നിര്മിച്ച്‌ വീതി കൂട്ടിയ നടപ്പാത, നടപ്പാതയുടെ ഭംഗി വര്‍ധിപ്പിക്കുന്ന തരത്തിലുള്ള ലൈറ്റിങ് സംവിധാനങ്ങള്, ട്രീ ഹൈലറ്ററുകള്‍ തുടങ്ങിയവയാല്‍ മനോരഹരമാണ്.ഇന്ത്യയിലെ തന്നെ ആദ്യത്തെ ഓട്ടമേറ്റഡ് മ്യൂസിക്കല്‍ വോക്ക് വേയാണിത്.നാല് വരി പാതയില്‍ രണ്ട് വരിയാണ് വിനോദങ്ങള്ക്കായി വിട്ടു നല്‍കുന്നത്. പാട്ട്, നൃത്തം, കളികള്, സ്കേറ്റിങ് തുടങ്ങിയവയ്ക്ക് സൗകര്യമൊരുക്കും. നാടന് കളികള് പ്രോത്സാഹിപ്പിക്കുന്നതിന്റെ ഭാഗമായി ടയര് ഉരുട്ടല്‍ , പാള വലിക്കല്‍ , ഗോലി കളി, ഏറുപന്ത്, പൊടിക്കളി, അക്ക് കളി, ഈര്ക്കി കളി, അട്ടിയേറ്, തൊങ്കിത്തൊട്ട്, ഏറുപന്ത് തുടങ്ങിയ പുതു തലമുറയ്ക്ക് പരിചിതമല്ലാത്ത കളികള്‍ പരിചയപ്പെടാനും പഠിക്കാനും അവസരമൊരുക്കും.ഇഷ്ട ഗാനങ്ങള്‍ക്കൊത്ത് റോഡില്‍ ചുവട് വയ്ക്കാനുമുള്ള സൗകര്യവും ഉണ്ടാകും. സ്ട്രീറ്റ് മാജിക്, മങ്കി ഷോ, ഫ്ളാഷ് മോബ് തുടങ്ങിയവ ക്യൂന്സ് വേയെ കൂടുതല്‍ വ്യത്യസ്തമാക്കും. ലഘു ഭക്ഷണത്തിന് വാക്ക്വേയില്‍ കുടുംബശ്രീയുടെ താല്‍ക്കാലിക സ്റ്റാളുകള് ക്രമീകരിക്കും. നാടന് ഭക്ഷണ വിഭവങ്ങള്ക്കായിരിക്കും മുന്ഗണന. കൂടാതെ പ്ലാസ്റ്റിക് മാലിന്യങ്ങള് റോഡിലും വാക്ക്വേയിലും നിക്ഷേപിക്കുന്നില്ലെന്ന് ഉറപ്പ് വരുത്താന് ഗ്രീന് പ്രോട്ടോകോള് കര്‍ശനമാക്കും .കഴിഞ്ഞ സര്ക്കാരിന്റെ കാലത്ത് ടൂറിസം വകുപ്പില്‍ നിന്ന് അനുവദിച്ച അഞ്ച് കോടി രൂപ ഉപയോഗിച്ചാണ് ക്യൂന്സ് വോക്ക് വേ നിര്മിച്ചിരിക്കുന്നത്.തുടര്ന്ന് കൂടുതല്‍ സുരക്ഷ ഉറപ്പാക്കുന്നതിന്റെ ഭാഗമായി ഹൈബി ഈഡന് എം.എല്‍ .എയുടെ ഫണ്ടില്‍ നിന്നും 14 ലക്ഷം രൂപ മുതല്‍ മുടക്കില്‍ സിസി ടിവി ക്യാമറകളും സ്ഥാപിച്ചിട്ടുണ്ട്. വോക്ക് വേയുടെ ഒരു വശത്തുള്ള ആംഫി തിയറ്ററില്‍ ഈ.